Elegie (Walther von der Vogelweide)
From Wikipedia, the free encyclopedia
"Elegie" is a poem written by the German lyric poet Walther von der Vogelweide. It is written in Middle High German and is a lament to the passage of the years.[1]
Full poem:
- 1. Owê, war sint verswunden alliu mîniu jâr!
- ist mir mîn leben getroumet, oder ist ez wâr?
- daz ich ie wânde, daz iht wære, was daz iht?
- dar nâch hân ich geslâfen und enweiz ez niht.
- nû bin ich erwachet und ist mir unbekant,
- daz mir hie vor was kündic als mîn ander hant.
- liute unde lant, danne ich von kinde bin gezogen,
- die sint mir worden frömde als ob ez sî gelogen.
- die mîne gespilen wâren, die sint traege und alt.
- bereitet ist daz velt, verhouwen ist der walt.
- wan daz daz wazzer fliuzet als ez wîlent flôz,
- für wâr, ich wânde, mîn ungelücke wurde grôz.
- mich grüezet maniger trâge, der mich bekande
- ê wol. diu werlt ist allenthalben ungenaden vol.
- als ich gedenke an manigen wunneclîchen tac,
- die mir sint enphallen als in daz mer ein slac:
- iemer mêre owê!
- 2. Owê, wie jæmerlîche junge liute tuont!
- den ê vil wünneclîchen ir gemüete stuont, die
- kunnen niuwan sorgen, owê, wie tuont si sô?
- swar ich zer werlte kêre, dâ ist nieman frô:
- tanzen unde singen zergât mit sorgen gar, nie
- kristen man gesach sô jæmerlîche schar. nû
- merkent, wie den frouwen ir gebende stât, die
- stolzen ritter tragent dörpellîche wât. uns sint
- unsenfte briefe her von Rôme komen, uns ist
- erloubet trûren und fröide gar benomen. daz
- müet mich inneclîchen - wir lebten ie vil wol -,
- daz ich nû für mîn lachen weinen kiesen sol. die
- wilden vogellin betrüebet unser klage,
- waz wunders ist ez denne,
- ob ich dâ von verzage? waz spriche ich
- tumber man durch mînen bœsen zorn: swer
- dirre wunne volget, der hât jene dort verlorn.
- iemer mêr owê.
- 3. Owê, wie uns mit süezen dingen ist vergeben!
- ich sihe die bittern gallen in dem honige sweben:
- die werlt ist ûzen schœne, wîz grüen unde rôt,
- und innen swarzer varwe, vinster sam der tôt.
- swen si nû verleitet habe, der schouwe sînen
- trôst: er wird mit swacher buoze grôzer sünde
- erlôst. dar an gedenkent, ritter, ez ist iuwer dinc!
- ir traget die liehten helme und manigen herten
- rinc, dar zuo die vesten schilte und die gewîhten
- swert. wolte got, waer ich der sigenünfte wert,
- sô wolte ich nôtic man verdienen rîchen solt.
- joch meine ich niht die huoben noch der hêrren
- golt. ich wolte sælden krône êweclîchen tragen,
- die mohte ein soldenær mit sînem sper bejagen.
- möhte ich die lieben reise gevarn über sê,
- sô wolte ich denne singen wol und
- niemer mêr owê!
See also
References
- ↑ Philips, Walter Alison (1896). Selected Poems of Walther von der Vogelweide the Minnesinger. London, England: Smith, Elder, & Co. Retrieved 15 March 2017.
| Songs | |
|---|---|
| Manuscripts | |
| Genres | |
| Influences | |
