Original
Tu, que sies arderouso e nuso,
Tu, qu’as su leis anco tei poung,
Tu, qu’as uno vouas d cleroun
Vuei, soueno, soueno à plen parmoun
O boueno Muso !
Sies la Muso dei paourei gus,
Ta caro es negro de fumado,
Teis uei senton la fusihado :
Sies uno flour de barricado
Sies la Vanus.
Dei mouart-de-fam sies la mestresso,
D’aquèlei qu’an jes de camié ;
Lei senso-pan, lei senso-liè
Lei gus que van senso soulié,
An tei caresso.
Mai leis aoutrei ti fan routa,
Lei gros cacan ’me sei famiho,
Leis enemi de la paouriho
Car toun noum, tu, o santo fiho,
Es Liberta.
O Liberta, coumo sies bello,
Teis uei brihon coumo d’uiaou,
E crouses, libro de tout maou,
Tei bras fouart coumo de destraou
Su tei mamello
Ma puei, perfes, dies de mot raou,
Tu, pu douço que leis estello
E nous trebouls, o ma Bello,
Quand beisan, clinant lei parpello,
Tei ped descaou.
Tu, que sies pouderouso e rudo,
Tu, que luses din lei raioun,
Tu, qu’as uno vouas de cleroun
O, soueno, soueno, à plen parmoun :
L’ouro es vengudo ! |
|
En occitan normalisé
Tu que siás arderosa e nusa
Tu qu'as sus leis ancas tei ponhs
Tu qu'as una votz de cleron
Uei sòna sòna a plens parmons
Ò bòna musa.
Siás la musa dei paurei gus
Ta cara es negra de fumada
Teis uelhs senton la fusilhada
Siás una flor de barricada
Siás la Venús.
Dei mòrts de fam siás la mestressa,
D'aquelei qu'an ges de camiá
Lei sensa pan, lei sensa liech
Lei gus que van sensa soliers
An tei careças.
Mai leis autrei ti fan rotar,
Lei gròs cacans 'mbé sei familhas
Leis enemics de la paurilha
Car ton nom tu, ò santa filha
Es Libertat.
Ò Libertat coma siás bela
Teis uelhs brilhan coma d'ulhauç
E croses, liures de tot mau,
Tei braç fòrts coma de destraus
Sus tei mamèlas.
Mai puei, perfés diés de mòts raucs
Tu pus doça que leis estelas
E nos treboles ò ma bela
Quand baisam clinant lei parpèlas
Tei pès descauç.
Tu que siás poderosa e ruda
Tu que luses dins lei raions
Tu qu'as una vòtz de cleron
Uei sòna sòna a plens parmons
L'ora es venguda. |
Traduction française
Toi qui es ardente et nue
Toi qui as les poings sur les hanches
Toi qui as une voix de clairon
Aujourd’hui sonne sonne à plein poumons
Ô bonne muse
Tu es la muse des pauvres gueux
Ton visage est noir de fumée
Tes yeux sentent la fusillade
Tu es une fleur de barricade
Tu es la Vénus.
Des meurt-de-faim tu es la maîtresse
De ceux qui n’ont pas de chemise
Les sans-pain, les sans-lit
Les gueux qui vont sans souliers
Ont tes caresses
Mais les autres te font roter
Les gros parvenus et leurs familles
Les ennemis des pauvres gens
Car ton nom, toi, ô sainte fille
Est Liberté.
Ô Liberté comme tu es belle
Tes yeux brillent comme des éclairs
Et tu croises, libres de tout mal,
Tes bras forts comme des haches
Sur tes mamelles.
Mais ensuite tu dis des mots rauques,
Toi plus douce que les étoiles
Et tu nous troubles, ô ma belle
Quand nous baisons, fermant les paupières
Tes pieds nus.
Toi qui es puissante et rude
Toi qui brilles dans les rayons
Toi qui as une voix de clairon
Aujourd’hui appelle, appelle à pleins poumons
L’heure est venue.
|
