Hugues XIII de Lusignan

« Anno Domini M.CC.LIX, in crastino Nativitatis sancti Johannis Baptistae, natus est Hugues, filius primogenitus predictorum Hugues comitis Marchie et Johanne uxoris sue et obiit M. CCC. III, in mense Novembris. »

« Relevons simplement qu'en 1297, Hugues XIII est toujours en possession de Cognac et de Merpins qui sont mentionnés dans son testament. »

« En nom deu Pere et deu Filz et deu Sainct Esperit, amen. Nous Hugue le Brun, coms de la Marche et Dengolesme, sains de cours et en nostre bone memoire feisons assavoir a touz que nous en cofformant et ratiffiant et en aprovant nostre darrain testament en darreine volonte feisoms, ordenoms cest presens codicelle excepties ancunes chouses contenues en dit testament, les quelles revocoms, anulloms et destruoms en cest present codicelle si come il apert perdessous : Premerement voloms et ordenoms que dame Yolent, dame de Pont nostre suer ait en leretage de nostre pere et de nostre mere telle partie come droit et costume de pays si porra doner non constrastant aucunes covenances feites contre nous et ly si come il apert per letres. Encore come nous ayoms fait et establi en nostre darrein testament nostre heretier mon sour Gefrey de Lezignem nostre cher cousin, nous voloms que s'il avenoit que le dit Gefrey morut sein heirs de sa chair que Reynaut de Pont, nostre nevou soit nostre heretiers en la maniere que nous avioms fait et establi le dit mon sour Gefrey. E s'il avenoit que le dit Reynaut de Pont morust sein heirs de sa char, nous faisoms et establissoms nostre heretier Amalrri de Creom nostre cousin. E s'il avenoit que le dit Amalrri morut sein heirs de sa char, nous feisoms et establissoms nostre heretier mon sour Aymar de Valence, nostre cousin. Encore donoms et leyssoms a Ysabeau nostre suer nonain de Fontevraut sus nostre terre de Fougeres deus cenz livres de rente a payer en aoust a sa vie tansolament custre quatre vinz livres que ela prent chascun an sus la dite terre de Fougeres e en apres son deces nous voloms que les dites deus cenz livres retornent a nostres heritiers. Encore voloms et comandoms que cenz livres que nous heumes des heretiers meistres Helies Dimenche lour soient rendues. Encore voloms et comandoms que cenz livres que nous heumes de la Briarde pour ceu que nous disioms que ela avoit fait faire fortalece en sa meison pres de Toulvre li soient rendues. Encore voloms et ordenoms que dous cenz livres que nous heumes de un home de Ville Boein que lau apelle Mercier pour une amende li soient rendues. Encore feisoms et establissoms pour nostre ame et pour les armes de nostre pere et de nostre mere et de nous predecessours vint chapelanies checune de douze livres de rente qui seront donees a vint prestres pour les mayns de nostres heretiers qui les serviront en lues dessous nomez, c'est assavoir en les chapelles de nostres chasteaus et villas qui sen sevent, c'est assavoir a Copgnac, a Merpins, a Boteville, a Villeboein, en la chapelle dou chasteau Dengolesme, a Toulvre, a Lezignein, a Charros, au Dourat, a Crosenc, a Guarayt, a Hun, a Albucon, a Dompnho, a Lorere en la chapelle sainct Vincent, a Fougeres, a chasteau Jaucelin et les autres la ou mes exequtours verront que il fere affaire. E voloms que les rendes des dites chapellanies soient assises et assignees selont costume de pays au plus pres des lues ou eles seront servies. Encore voloms et ordenons que nous exequtours payent et rendant dou nostre a touz ceaux qui nous auroms servi pour lour servize c'est assavoir a chascun selont ceu que il auront desservi et il verront que il fere affaire si ge n'en avoie ordene en ma vie. Encore come nous heussoms fait et establi nous exequtours et nostres ausmoniers levesque Dengolesme, mon sour Pierre Faure, prestre,et meistre Guillaume Faure, clerc. Nous pour certaine cause les renoncoms anulloms et reapeloms ni ne voloms que il se entremetont de rems de nostre exequcion. E feisoms et establissoms nous exequtours et nous ausmoniers nous amez honorable pere levesque de Poictiers et relegiom home labe de la Corone, meistre Arnaut Leotart, chanoine Dengolesme, nostre clerc, Guillaume Veyrian et mon sour Aymerry son frere nous chapelains et Reymont Aubert nostre chabarlent ensembleement en les exequtours que nous avoms fait et establi en nostre testament. E donams poer et especial comandament a touz nous exequtours et a chascun pour soy que il puissant tenir toutes nostres terres en quieque pays que eles soient en laur maynatint ensembleement en li quat[...] en li dous, en li un tant que toutes les chouses contenues en mes testament et en cest codicelle soient acomplies si tuit ensemble n'en poient entendre et que avant nostre heretiers ne puissa joir de la terre. E en tesmoign de verite nous avoms saele cest codicelle de nostre seel. Done et saele le juedi enpres les cyetines de la Nostre Dame daoust lan de grace mil tres cenz et dous. »

« Eodem anno [1276], mense Augusti, Hugo Bruni, comes Marchiæ, filiam ducis Burgundiæ, sororem vice-comitissæ Lemovicensis, ducit in uxorem Parisius, et eam secum adducit in Marchiam. »

« Le comte de la Marche, vicomte de Porhouet, sire de Foulgdres burelé arg et ar de 10 p. »

« 4. Le comte de la Marche, vicomte de Porhouet, sire de Foulgdres : burelé de dix pièces d'argent et d'azur. »